Author: admin

കോഴിക്കോട് | ഹജ്ജ് പുറപ്പെടൽ കേന്ദ്രം കരിപ്പൂരിലേക്ക് തിരിച്ചുകൊണ്ടു വരുന്നതിന് കേന്ദ്രത്തിൽ സമ്മർദം ചെലുത്താൻ സംസ്ഥാന ഹജ്ജ് കമ്മിറ്റി. അടുത്ത വർഷത്തെ ഹജ്ജിന് നെടുമ്പാശ്ശേരിയാണ് കേന്ദ്ര ഹജ്ജ് കമ്മിറ്റി പുറപ്പെടൽ കേന്ദ്രമായി അറിയിച്ചിട്ടുള്ളത്. എന്നാൽ ഹജ്ജിന് പോകുന്നവരിൽ 80 ശതമാനം പേരും മലബാറിൽ നിന്നാണെന്നിരിക്കെ ഇവർക്കു കൂടി സൗകര്യമാകുന്ന രീതിയിൽ കരിപ്പൂർ പുറപ്പെടൽ കേന്ദ്രമാക്കണമെന്നാണ് സംസ്ഥാന ഹജ്ജ് കമ്മിറ്റിയുടെ ആവശ്യം. കേന്ദ്രത്തിൽ സമ്മർദം ചെലുത്തുന്നതിന്റെ ഭാഗമായി സംസ്ഥാന ഹജ്ജ് കമ്മിറ്റി സെക്രട്ടറിയും മലപ്പുറം ജില്ലാ കലക്ടറുമായ പ്രേം കുമാർ സംസ്ഥാന ട്രാൻസ്‌പോർട്ട് പ്രിൻസിപ്പൽ സെക്രട്ടറി കെ ആർ ജ്യോതിലാലിന് ഇത് സംബന്ധിച്ച് നേരത്തേ കത്തയച്ചിരുന്നു. കേന്ദ്ര വ്യോമയാന മന്ത്രിക്ക് അദ്ദേഹം കത്ത് കൈമാറും. ഇക്കാര്യം ചൂണ്ടിക്കാട്ടി സംസ്ഥാന ഹജ്ജ് കമ്മിറ്റി അധികൃതർ മുഖ്യമന്ത്രി പിണറായി വിജയനെ സന്ദർശിക്കും. 2019ൽ സംസ്ഥാന ഹജ്ജ് കമ്മിറ്റിയുടെയും സംസ്ഥാന സർക്കാറിന്റെയും കടുത്ത സമ്മർദത്തിനൊടുവിലാണ് കരിപ്പൂരിലേക്ക് ഹജ്ജ് പുറപ്പെടൽ കേന്ദ്രം തിരിച്ചുകൊണ്ടുവരാൻ കേന്ദ്ര സർക്കാർ തീരുമാനിച്ചത്....

കോഴിക്കോട് | അടുത്ത വര്‍ഷത്തെ ഹജ്ജിന് അപേക്ഷിക്കുന്നവരുടെ ഉയര്‍ന്ന പ്രായപരിധി കേന്ദ്ര ഹജ്ജ് കമ്മിറ്റി ഒഴിവാക്കി. ഇത് സംബന്ധിച്ച് കേന്ദ്ര ഹജ്ജ് കമ്മിറ്റി നേരത്തെ ഇറക്കിയ മാര്‍ഗനിര്‍ദേശത്തില്‍ മാറ്റം വരുത്തിക്കൊണ്ടാണ് പുതിയ സര്‍ക്കുലര്‍. നേരത്തെ 65 വയസ്സായിരുന്നു ഉയര്‍ന്ന പ്രായപരിധിയായി നിശ്ചയിച്ചിരുന്നത്. എന്നാല്‍ 65 വയസ്സിന് മുകളില്‍ ഹജ്ജിന് അപേക്ഷിക്കാന്‍ ആഗ്രഹിക്കുന്നവര്‍ക്ക് അവസരമൊരുക്കുന്നതിന്റെ ഭാഗമായാണ് പുതിയ സര്‍ക്കുലര്‍ ഇറക്കിയത്. 2018-22 ഹജ്ജ് പോളിസി പ്രകാരം 70 വയസ്സിന് മുകളിലുള്ളവര്‍ക്ക് റിസര്‍വേഷനുണ്ട്. എന്നാല്‍ കൊവിഡ് സാഹചര്യത്തില്‍ കഴിഞ്ഞ രണ്ട് തവണ അപേക്ഷ ക്ഷണിച്ചപ്പോഴും 60ന് മുകളിലുള്ളവരെ ഒഴിവാക്കിയിരുന്നു. കൊവിഡ് സാഹചര്യത്തില്‍ രണ്ട് തവണയും ഹജ്ജ് നടന്നില്ല. എന്നാല്‍ അടുത്ത വര്‍ഷത്തെ ഹജ്ജിന് സാധ്യത തെളിഞ്ഞ സാഹചര്യത്തിലാണ് 70ന് മുകളില്‍ പ്രായമുള്ളവര്‍ക്കും ഹജ്ജിന് അവസരം നല്‍കാന്‍ കേന്ദ്ര ഹജ്ജ് കമ്മിറ്റി തീരുമാനിച്ചത്. അതേസമയം, അപേക്ഷകരില്‍ എഴുപത് വയസ്സ് പിന്നിട്ടവര്‍ ഓരോ സംസ്ഥാന/കേന്ദ്ര ഭരണപ്രദേശങ്ങള്‍ക്ക് അനുവദിച്ച ക്വാട്ടയില്‍ അധികമുണ്ടെങ്കില്‍ നറുക്കെടുപ്പ് നടത്തും. ഇത്തരം അപേക്ഷകര്‍ക്ക്...

റിയാദ്: 2021ലെ ഹജ്ജ് തീർത്ഥാടനവുമായി ബന്ധപ്പെട്ട മാർഗനിർദേശങ്ങൾ സൗദി അധികൃതർ പ്രഖ്യാപിച്ചു. കൊവിഡ് സാഹചര്യത്തിൽ ആരോഗ്യ മുൻകരുതലുകൾക്ക് അനുസൃതമായ മാർഗനിർദേശങ്ങളാണ് പുറത്തുവിട്ടത്. 18നും 60 വയസ്സിനും ഇടയിൽ പ്രായമുള്ളവർക്ക് മാത്രമേ ഇത്തവണ ഹജ്ജിന് അനുമതി നൽകുകയുള്ളൂ.  തീർത്ഥാടകരും, ഹജ്ജ് സേവനത്തിനെത്തുന്നവരും രണ്ട് ഡോസ് വാക്സിനും സ്വീകരിച്ചിരിക്കണം. വിദേശ തീർത്ഥാടകർ സൗദിയിലേക്ക് പുറപ്പെടുന്നതിന് മുമ്പ് വാക്സിനും, പി.സി.ആർ പരിശോധനയും പൂർത്തിയാക്കണമെന്നും അധികൃതർ അറിയിച്ചു. കഴിഞ്ഞ വർഷം സൗദിക്ക് അകത്തുള്ള ആയിരത്തോളം പേർ മാത്രമാണ് ഹജ്ജ് ചെയ്തത്. എന്നാൽ ഈ വർഷം വിദേശ രാജ്യങ്ങളിൽ നിന്നുള്ള തീർത്ഥാടകർക്കും ഹജ്ജിന് അനുമതി നൽകും. കഴിഞ്ഞ വർഷത്തെപോലെ കർശനമായ കോവിഡ് പ്രോട്ടോകോൾ പാലിച്ച് കൊണ്ടായിരിക്കും ഈ തവണയും ഹജ്ജ്.  ഹജ്ജ് കാലത്ത് പാലിക്കേണ്ട പ്രത്യേക ആരോഗ്യ മുൻകരുതൽ ചട്ടങ്ങൾ ഇരു ഹറം കാര്യാലയം മേധാവി ശൈഖ് അബ്ദുൽ റഹ്മാൻ അൽ സുദൈസ് പുറത്ത് വിട്ടു. രണ്ട് ഡോസ് വാക്സിനും സ്വീകരിച്ചവർക്ക് മാത്രമേ ഹജ്ജ് തീർത്ഥാടനത്തിനും, ഇരുഹറമുകളും...

ചരിത്രമുറങ്ങുന്ന ചേരമാന്‍ ജുമാ മസ്ജിദിന്റെ പ്രൗഢി വീണ്ടെടുക്കാനുള്ള നിര്‍മാണവും ചേരമാന്‍ ജുമാ മസ്ജിദ് ഭൂഗര്‍ഭ പള്ളിയാക്കി മാറ്റുന്നതിന്റെ ജോലികളും ദ്രുതഗതിയില്‍ പുരോഗമിക്കുന്നു. മുസിരിസ് പൈതൃക പദ്ധതിയുടെ അവിഭാജ്യ ഘടകമായ മസ്ജിദില്‍ 1974 ന് ശേഷം കൂട്ടിച്ചേര്‍ത്തിട്ടുള്ള ഭാഗങ്ങള്‍ നീക്കം ചെയ്യുകയും പഴയ പള്ളിയുടെ നഷ്ടപ്പെട്ട ഭാഗങ്ങള്‍ പുന:സ്ഥാപിക്കുകയും നമസ്‌കാര സൗകര്യം വര്‍ധിപ്പിക്കുന്നതിനു ഭൂമിക്കടിയില്‍ വിശാലമായ സൗകര്യം ഏര്‍പ്പെടുത്തുകയാണു പദ്ധതിയാണ് അവസാനഘട്ടത്തിലെത്തിയിരിക്കുന്നത്. 25 കോടി രൂപ ചെലവില്‍ രണ്ടു നിലകളിലായാണു പള്ളി പുനര്‍ നിര്‍മ്മാണം പൂര്‍ത്തിയാക്കുന്നത്. ഭൂഗര്‍ഭ പള്ളിയില്‍ 2500 പേര്‍ക്കും മുകള്‍ ഭാഗത്തു 2500 പേര്‍ക്കും നമസ്‌കാര സൗകര്യം ഒരുക്കിയിരിക്കുന്നത്. പഴയ പള്ളിയുടെ നഷ്ടപ്പെട്ട ഭാഗങ്ങളുടെ കൂട്ടി ചേര്‍ക്കലിനു 1.18 കോടി രൂപ സര്‍ക്കാര്‍ അനുവദിച്ചിരുന്നു. ഏറെ താമസിയാതെ പഴയപള്ളി പ്രാര്‍ഥനയ്ക്കായി തുറന്നു നല്‍കാനാകുമെന്നാണ് പ്രതീക്ഷയെന്നു പള്ളി കമ്മിറ്റി പ്രസിഡന്റ് ഡോ. പി.എ. മുഹമ്മദ് സെയ്ദ്, അഡ്മിനിസ്‌ട്രേറ്റര്‍ ഇ.ബി. ഫൈസല്‍ എന്നിവര്‍ പറഞ്ഞു. പള്ളിയുടെ പൗരാണിക തനിമ തിരിച്ചു കൊണ്ടുവരണമെന്ന...

കൊച്ചി: ‘ജിഹാദ് വിമര്‍ശനവും യാഥാര്‍ഥ്യവും’ എന്ന പ്രമേയത്തില്‍ സമസ്ത ഏകോപനസമിതി സംഘടിപ്പിക്കുന്ന സമസ്ത ബോധനയത്‌നം ത്രൈമാസ കാംപയിന് കൊച്ചിയില്‍ തുടക്കം. എറണാകുളത്ത് നടന്ന സംസ്ഥാന തല ഉദ്ഘാടനം സമസ്ത കേരള ജം ഇയ്യത്തുല്‍ ഉലമ അധ്യക്ഷന്‍ സയ്യിദ് മുഹമ്മദ് ജിഫ്രി മുത്തു കോയ തങ്ങള്‍ നിര്‍വഹിച്ചു. സമസ്ത ജനറല്‍ സെക്രട്ടറി പ്രഫ. കെ ആലിക്കുട്ടി മുസ്‌ലിയാര്‍ അധ്യക്ഷത വഹിച്ചു. ഉത്തരവാദപ്പെട്ടവര്‍ പ്രസ്താവന ഇറക്കുമ്പോള്‍ മറ്റുള്ളവര്‍ക്ക് പ്രയാസുമുണ്ടാക്കുന്നതാകരുതെന്നും മതവികാരം ഇളക്കി വിടുകയോ മതത്തെ ആക്ഷേപിക്കുകയോ ചെയ്യരുതെന്നും കാംപയിന്‍ ഉദ്ഘാടനം ചെയ്തുകൊണ്ട് ജിഫ്രി മുത്തു കോയ തങ്ങള്‍ പറഞ്ഞു. നിര്‍ബന്ധമായി ഇസ്‌ലാമിലേക്ക് ആരേയും ക്ഷണിച്ച ചരിത്രമില്ല.ഇസ്‌ലാമിലെ ജീവിത മാതൃക കൊണ്ടാണ് പലരും ആകര്‍ഷിക്കപ്പെടുന്നത്. അല്ലാതെ തോക്കുകൊണ്ടോ വാളുകൊണ്ടോ അല്ല ഇസ്‌ലാം പ്രചരിച്ചത്. ലൗജിഹാദോ നാര്‍ക്കോട്ടിക്ക് ജിഹാദോ ഇസ്‌ലാമിലില്ല. ഇസ്‌ലാം അനുവദിക്കാത്ത ഒന്ന് ഉപയോഗിച്ച് ഇസ്‌ലാമിലേക്ക് ആളെ ചേര്‍ക്കാന്‍ ആരെങ്കിലും സമ്മതിക്കുമോ എന്നും അദ്ദേഹം ചോദിച്ചു.എല്ലാ മതത്തിന്റേയും ഉത്തരവാദപ്പെട്ടവര്‍ മറ്റുള്ള സമുദായത്തെ വേദനിപ്പിക്കുന്നത് ഒഴിവാക്കുകയാണ്...